سبيع ضد(ن) للحريب المعادي=صبيانهم يروون بيض الهنادي
لاجا نهار(ن) فيه قدح الزنادي= لاثار عجّ الخيل والملح قد ثار
مضرابهم يشفي غليل الكبودي=مثل الحرار اللي جزيل الصيودي
نسل الكرام نعربين الجدودي=عزّ الخوي عزّ البعيدين والجار

سلام يارمز الوفى سلام يا لحصن الحصين=تسليمةً تمزج بنفح المستكى والياسمين
سلام ياربعي سبيع اهل المواقيف الجسام =رؤس(ن) لجل كسب المعالي لاتكل ولاتلين
اسم(ن) طلع بين الكواكب والثريا والنجوم= منزالهم قمة سنام المجد بفعال(ن) تبين
في موطن المجد التليد ودوحة الظل الظليل=في منبع الابطال واحفاد الرجال المخلصين
دار(ن) بها كانوا هل التوحيد وانصار الامام = كانوا ولازالوا اسود الغاب في وسط العرين
فى الخرمه ورنيه لهم تاريخ ناصع بالبياض=تاريخاً مشرف على مر الليالي والسنين
تشهد لهم جمع القوافل يوم توحيد الحجاز= وقوامها من ربعي الغلبا كعام المعتدين
سارت بيارق نصرة التوحيد من وادي سبيع= على ظفافه جندلوا واللي معا ذاك البطين
وتسندوا حتى الحجاز وصار فى الطائف صباح= منها على مكه وجده لين جمعت دولتين
هاذي ملامح عن هل الوديان مروين الرماح=في عالية نجد المسمى في ظفاف الواحتين
وفي نجد والعارض لنا وقفه بصف ابن سعود= ربعي هل العارض مواقفهم تسر الناظرين
يشهد لنا فتح الرياض ويوم تخضيب السيوف=ابطالنا عند اقتحام القصر ظمن الاربعين
وفرساننا يبرون لمعزي على ظهور الجياد= ماتنجحد وقفاتنا تبت يدين الجاحدين
يوم السنين الماضيه وانا لبو تركي عضود= حتى توحدت البلاد ولم شمل المسلمين
واليوم عهد اللي حكم بالشرع والسيف الصقيل =وحنا لبو متعب رجالاً للزوم مجندين
من دون نقصاَ فى القبائل كلهم عند الوجوب= المملكه فيها الرجال المخلصين الصادقين
وختامها ياسامعي صلوا على الهاد البشير = صلوا على صفوة عباد الله خير المرسلين