ملحمة قبائل سبيع الغلبا

ابـدا بذكـر الله رفـيـع المقـامـي=هو السـلام ومنـه يبـدا السلامـي
المقتـدر محيـي هميـد العظـامـي=وبشايته تصوير الانفـس والاجسـاد
المطلـع عـلام مـافـي الخفـايـا=وعن خاينة الاعيـن وسـر النوايـا
رب الفلق محصـي جمـوع البرايـا=جميع مافـي الكـون عنـده بتعـداد
الهنـا اللـي مالنـا غـيـره الــه=معبودنـا ماغيـره احــد عبـدنـاه
كـل الامــال معلـقـات بـرجـواه=حنـا عبيـد لـه اركـوع وسـجـاد
سامع دبيب النمـل فـوق الحيـودي=فوق الحيود السود والنمـل سـودي
في ليلـة سـوداء عربهـا رقـودي=الا خطـيـب ضـاريـن بالتهـجـاد
اللـي فتـق سبـع السمـوات فتقـا=من بعد ماكانـت مـع الارض رتقـا
يالله عسانـا مـن بلاويـك عتـقـا=في ساعة يكثر بهـا عـض الانجـاد
ياحـي ياقيـوم ياعـالـم الغـيـب=ياواقـي العثـرة وياساتـر العـيـب
تلطف بمن سالك ومن جودك تجيـب=انت الذي بامـرك تصاريـف الانـواد
يافالـق الحبـة ويـارافـع الطـيـر=يامنزل المـاء مـن مـزون مزابيـر
ياخير من يجزي هل الخيـر بالخيـر=ياباعث الانسان مـن تحـت الالحـاد
ياخالـق الجنـة وياخالـق الـنـار=للجنـة ابــرار وللـنـار فـجـار
ميـزان عـدل وكـل شـئ بمقـدار=منـك الطغـاة مقرنيـن بالاصـفـاد
يامهلـك فرعـون يامهـلـك عــاد=يامهلك اللي جابـوا الصخـر بالـواد
انـت لهـم يـوم الملاقـى بمرصـاد=وبالريح دمرت ايرامـا ذات الاعمـاد
مجري سفينة نوح من فوق طوفـان=اللي عليها اثنان مـن كـل زوجـان
ارست على الجودي وكان الذي كـان=في حكمة اللي عالم غيـب الارصـاد
يامقـدر الاجـال ياعـالـم الـحـال=حنا تحت رحمتك في يـوم الاهـوال
فـي يـوم لاينفـع بنيـن ولامــال=يكـود مـن قلبـه سليـم وعـبـاد
عـبـاد لـلـي يعـلـم الكائـنـاتي=رجـي ثـواب منـزل المحكـمـات
ايـات حـق وكلـهـن معـجـزات=ترتيلهن يغني عـن الشـرب والـزاد
باسمك بدينا القـاف وابـك استعنـا=ولاقـط فـي غـرات مسلـم طعنـا
ولانتبـع المقفـي ليـا صـد عـنـا=تبـت يـد اللـي للمقفيـن نـشـاد
من بعـد ذا عنـدي بمجـد القبيلـة=نـوادر مـاهـي عليـنـا دخيـلـه
يكفي عـن الهـرج المطـول قليلـه=ان ما نقص هرجي عن الصدق مازاد
حنـا سبيـع مطوعيـن الخصومـي=وحنـا سبيـع مورديـن السهومـي
وحنا سبيـع اللـي سعدنـا يقومـي=ينهـض سعدنـا لاتـردن الاسـعـاد
سبعان لاقالوا علـى الخيـل سبعـان=من ماضي الدنيا هل سنـان وعنـان
نمشي بقو الزنـد والسيـف شامـان=ريف القصيـر وللعـدا سـم الاكبـاد
يامـا خذينـا مـن حفيـف قلاعـه=لاطـار عـن وجـه المزيـن قناعـه
يسوقنـا زود الـدجـر والشجـاعـة=يامـا كسبناهـا صبـاح ومهـجـاد
حنـا ليـا مـنـا نويـنـا بـعـدوه=مانجعـل الدخـان للنصـر قــدوه
كلـن نسوقـه ليـن نقصيـه مـدوه=نتعب ظهور الخيـل ونطـول الامـاد
كـم خايـع قفـر نجيـه ونعـسـه=وكـم طارفـة قـوم قلعنـا مرسـه
يبطـي وهـو منـا صوابـه بنسـه=لاذاق منـا ملحـة الحـرب مـاعـاد
سقـم الخصـوم مبعديـن المشاحـي=مرويـن حـد مكعبـات الرمـاحـي
كسابـة الطالـة نهـار الصيـاحـي=واليا عطينا الوعد نوفـي بالاوعـاد
دواسة الجمـع المناحـر ليـا هيـب=بالخيـل والسلـة وسـرد محاديـب
ومذلقـات يوسـعـن المضـاريـب=والجبخـان وضـرب صلفيـن الاولاد
نبيـد جمـع معسكـرات السـرايـا=ونشوش فـوق المكرمـات السبايـا
لاغـردن بالصـوت بيـض الصبايـا=نفضا الجموع لعين مركـوز الانهـاد
تلمنـا الغلـبـاء وحـنـا قبـايـل=قبـايـل يــذري ذراهــا قبـايـل
من طيبهم طالـوا علـى كـل طايـل=ساس المعرفـه والمـروه والامجـاد
مانقطـع الساقـه ولاناكـل السـور=ولانذبـح الغافـل ولانشهـد الـزور
ولاننقـل النمـه ولانجحـد الـنـور=ولانوقـت الساعـه لغـراة الاجـواد
حنا هـل الشيمـه بعيديـن الانظـار=مانزعـل العانـي ولانزعـل الجـار
ليا هفـت ملـة قصيريـن الاشبـار=انفوسنـا ماهـي دنـيـاة وازهــاد
حنـا هـل الـردات لاصـاح صايـح=ليـا غـدت جـرد السبايـا سبايـح
كسابـة الطالـة نـهـار المـدايـح=نرجع ونسقي خصمنـا مـر الاكبـاد
نمشي مع البيـرق عضـود الامامـي=شرق وغرب وفـي جنـوب وشامـي
بياعـة الارواح يــوم الزحـامـي=قـوم علـى حرابنـا علـة فــؤاد
تشهد لنا البيداء ويشهد لنا الجيـش=وصنع اليهـود معكفـات النواتيـش
وسيوف هنـد فـي يديـن المداغيـش=تشهد لنـا نطاقـة الصـاد والضـاد
ناطا الحما في شـف سجـح الخلايـا=جـرد الرقـاب مبـعـدات الهـوايـا
وان قامـت الاعـداء علينـا حمايـا=ندوس غبـات الخطـر جـد واعنـاد
نفرح بفنجـال المبـارز ليـا سيـق=لوكان هو صعـب ومـر اليـا ذيـق
ويفرح بنا المضهود في ساعة الضيق=نبـوج عنـه الظلـم والنـور ينقـاد
دخيلنـا يامـن وتـامـن جــواده=عـام وشهريـن وعـشـر زيــاده
نفرض علـى طلابتـه فـرض اراده=وحنا لمـن يلجـا لنـا كـن وبـراد
تامن بنا حنـا الشعـاف المصاغيـر=نرعا بها بالخوف وقـت المخاضيـر
ونظمي بها في نازحـات المصاديـر=واللي يبينـا لاعـرف وسمنـا حـاد
احسن محـل فـي الجزيـره خذينـاه=بمثمـر لاصـادم العظـم يشـظـاه
من فـوق حيـل للمطـارد مضـراه=ويدرا خطرنا اللـي ورا حـد الاكـراد
حـنـا هــل واهــل الجهـامـه=وعرق حمينـا فيـه بيـض النعامـه
وايضا خذينا عصـب نجـد وسنامـه=ولاجاء لنا الا عقب غـارات وطـراد
خذنا من العارض ليا جـو عوجـان=بالسيـف ماجتنـا بتسليـم الاثمـان
دار لهزعـات المراقـيـب مقـطـان=تسمن بها شيـب القـرا قبـل الاذواد
زحنـا صناديـد الاشاويـس عنهـا=بمشـوك كـن السحايـب دخنـهـا
حتـى ثنينـا فـي يدينـا رسنـهـا=مـن فضـل رب للمخاليـق جــواد
كـم ضربـة منـا تفـج التـرايـب=وكم ذود مصـلاح نجيبـه غصايـب
وكم مربـع سقنـا عليـه الركايـب=يلقى لها مع صحصح الخبت مرجـاد
واليـا غزونـا ناقلـيـن البـواريـد=يبغون حلـوات اللبـن شمـخ القيـد
هـذاك يـوم عندنـا كنـه العـيـد=يوم التشابـك عندنـا مثـل الاعيـاد
نفـرح بهـم فرحـة قريـب بقربـه=اليـا تحـلا ديرتـه عقـب غـربـه
وانفك له من شوف الاقـراب كربـه=ومحقـق فـي غربتـه كـل مـاراد
نذبـح مذربهـم ونلـثـم شبـاهـم=ويطيـح بيرقهـم ويظلـم سمـاهـم
ونحطهـم عبـره لـقـوم وراهــم=يمسون فوق كبودهـم مثـل الاوتـاد
ناخذ على الخيل الاصايـل عجاريـف=بالرمح والمزروع والـدرع والسيـف
نولـف فـراق ونـفـرق موالـيـف=وحرابنـا نقطـع هجومـه والامـداد
كـم واحـد ينقـل علينـا ضغيـنـه=طويلـن لسانـه قصـيـره يميـنـه
فـي كـل سبـل المرجلـه غالبينـه=في خشمه خطام وفـي رجلـه قيـاد
نرفـع كرامتنـا عـن الهـرج لاراب=ولانندفع فـي ساقـة النجـم لاغـاب
ولاندعي وسط المجالـس بالاكـذاب=للخيـر حصـاد وللـشـر حـصـاد
مانستمـع لمحرفـيـن السـوالـف=هـذارة المجلـس وجيـه المكالـف
اللي لهـا اعـراض الاوادم معالـف=ولاهمنـا مغـرض ولا قـول حسـاد
هـذي مزايـانـا وهــذا فخـرنـا=سون على صـف المحـارب خطرنـا
ننـزل ديـار اخصامنـا مـع ديرنـا=بمصقـل ينـزل علـى المتـن قـداد
عديـت فعـل مخرقيـن الطوابـيـر=مخضبـة حـدب السيـوف البواتيـر
ان فرحوا الصدقان خير علـى خيـر=وان كضمت خطر هل الغيض وش عاد
موجز وفي بعض العلـوم اختصرنـا=ديـره هدمناهـا وديــره عمـرنـا
بيـض صحايفنـا بعـيـد نظـرنـا=علـم عليـه الله والاجـواد شـهـاد
من دون نقص فـي حقـوق القبايـل=مرويـن حـد مفتـقـات السـلايـل
يـوم المشاكـل والخطـر والدبايـل=ومصـادم الدنيـا بخفخـاف وزنـاد
قبايـل فـوق الجـزيـره مقيـمـه=ولهـم تواريـخ وقيـمـه وشيـمـه
تقاسمـوا ثـم ارتضـوا بالقسيمـه=ومن جاد حظه مع ظروف الدهر جـاد
قبايـل مااحـد يقـف فـي نصدهـا=جبـع محازمهـا كثـيـر عـددهـا
توعد وتوفي فـي المواقـف وعدهـا=امجادهـم تذكـر قديمـات وجــداد
ذكرتهم مـن دون عـد وتخصيـص=اخاف من هرج يجـي فيـه تنقيـص
للعلـم بـاب وللخطايـا قوانـيـص=وانـا عـن الزلـه احـب التـركـاد
والحضر صافين القلـوب المشاكيـل=سم تغلغـل فـي القلـوب المغاليـل
تسمـع بناديهـم للاذكـار تهلـيـلا=هل سفرة تنـدل واهـل بـن وقنـاد
للمعرفـه والخيـر فيهـم مــواري=رجالهم في بـذل الاحسـان ضـاري
حديـث مسلـم عندهـم والبخـاري=والنصح منهجهم والافتـاء والارشـاد
واليوم في نعمـه وحكـم السعـودي=والراية الخضـراء بـراس العمـودي
والعود يكسر في عيـون الحسـودي=امن وامـان ونعمـة واكـل ورقـاد
كلـن تحـت فيـة علمهـم يفـلـي=حج الجمل وانكف وصلـى المصلـي
وتبدلـت كـوخ الكـواويـخ زلــي=وعاشوا بظل الامـن والخيـر يـزداد
شعـب جعلنـا الله للاسـلام خــدام=واظهر لتصريف امرنـا خيـر الانـام
اختارهـم رب السـمـاوات حـكـام=ولموا شتات الشعب عقـب التشـراد
راحت عصور الظلم مع فايـت فـات=والسلب في ايام الجهـل والقوامـات
والشرك وانـواع البـدع والخرافـات=وتوقفـت عنـا قواميـس الالـحـاد
فضل مـن المولـى عزيـز الجـلالا=ثـم السعـود مخضبيـن الـسـلالا
كواكـب فـوق الجـزيـره تــلالا=خير علـى الخيـر وضـد للاضـداد
مدوا حبـال الامـن فـي كـل ديـره=واستاصلوا عنـا الخيـوط الشريـره
يفخر بهـم سكـان شبـه الجزيـره=سادوا على من قبلهم كانـوا اسيـاد
حطوا لهم في عاليـة نجـد حجـري=في الف وميه وسبع وخمسين هجري
بشلفـا ومصقـول وبـن ونـجـري=وعلم ودين وضرب مسقوف واشـداد
مـن ذلـك التاريـخ لليـوم حـكـام=ومواكبيـن سبـق الـركـب قــدام
شر علـى الظالـم ونصـر للاسـلام=بذالـة المعـروف خطـلان الايــاد
ترجمت فحوى الهاجس اللي طرا لـي=مثلي مثـل غيـري وجالـي مجالـي
لانيـب انـا الاول ولانيـب تـالـيلي =مع ورود المـاء مقـام وميـراد
عبرت عن ما في ضميـري يجولـي=ومـوثـق بالمستـنـدات قـولــي
قول على حسـب الثقـه والاصولـي=متحفـظ عـن كـل شاعـر وقصـاد
مثايل تبقـى علـى طـول الازمـان=يعرف لها من بين الاشعـار عنـوان
ابغي ليا من قيل وش قـال دسمـان=ارضيـك ياللـي للشعاعيـر نـقـاد
اقولـهـا مانـيـب ادور عـطـايـا=ولاابغي من التاجـر فلـوس وهدايـا
ولاارجي مـن العالـم كفيـة بلايـا=مااحد يريد ووالـي العـرش مـااراد
هذي عـدد وقفاتهـا اربعميـة بيـت=خصيص في مجد القبيلـة ولاافويـت
وعلى محمـد سيـد الرسـل صليـت=المستقيـم الناصـح المرشـد الهـاد
ازكى صـلاة عـد مـا هـل همـال=وماغرد القمري علـى روس الاقـذال
على الشفيع بيـوم تقسيـم الاعمـال=اللـي يصلـي والمخاليـق هـجـاد

صح لسان أبو ثواب وأنتم سالمون وغانمون والسلام .