ياشعر من يوم صار المال مقصودك=وزنك نقص مستواه اوقل تقديـرك
المال ضيع ثلاث اعشار لوجـودك=بعد اربع اعشار ضيعها جماهيـرك

هذي نصيحه والنصيحه يا العوارف تنشرى=يجني ثمرها كل مدرك مثل جني السنبلـه
اتعب عليهـا للبيـب اللـي يثمـن منطقـي=واصوغها من مهجتي صوغ الذهب في معمله
وجة نظر عنـدي ولاكـل الامـور تعمهـا=نصايح الشعـار قبلـي كـل شي(ن)تشملـه
الاوله فى الشعر حيث الشعر ديوان العـرب=غالي وله عند العرب قـدر اوقـار ومنزلـه
يسمؤ عن التحريف والشاعر هجوسه ساميه=مهوب يبغاء المستمع من دون علـم يؤلـه
يا سامعي محشوم عن بعض العقول السذجي=اللي تخـل الشاذليـه مثـل طعـم الحنظلـه

يالله بمنطوقٍ ينور بالاذهان = تصحي به قلوب المخاليق وتفيق
نطق الشهادة والعدالة والإيمان = وتطبقه جوارح الجسم تطبيق
نطقٍ يثقل فالموازين من شان = ليا حشر قدم الإله المخاليق
نفوز فوزٍ ما يقدر بالاثمان = ونكون من ضمن العباد المعاتيق