يتسع بحرالعرب عقب المضيـق =من جعل رزقه على الله ارزقه

اخواني الكرام السلام عليكم ورحمة الله وبركاته ويشرفني ان اطرح لكم هذه القصيدة وهي عبارة عن عربون تواصل بيني وبينكم ابناء قبيلتي الكرام
ارجو ان شاء الله ان تنال على رضاكم

يمكن الصدفه توديك الطريق=وكم يضيع دربه البين ثقة
كان ماجت فزعتلك من رفيق =لا تدور من ورى القوم افشقه
الصديق الي على الدنيا صديق=لا وطاك الضيم زهب بندقه
لو بعض لامرار يزعلك ويضيق=وان زهمته جاوبك فيه نزقه
لايغرك راعي الهرج الرقيق=ضاحكٍ سنه وقلبه محرقه
يفرح بهرج بظهرك مايليق=واسع الشدقين حلو منطقه
الردى عنده عمق عمقه عميق=وان لقا غرة مسيكين ادرقه
لاتحسبنه ذهب لوله بريق=والرجل لاطاب من طيب اعمقه
الغريق الي تعلق في غريق=ناقصٍ عقله ولاشك اهطقه
كان ماعندك ذخر تمر ودقيق=من طبخ له فاس ماذاق امرقه
لاترجا تمر بيشه والعقيق=دور الارزاق والكسب عرقه
ماكر الأحرار في قمة طويق.=مايعيش الحر في صدع برقه
يتسع بحرالعرب عقب المضيق=من جعل رزقه على الله ارزقه

اخوكم
الشاعر
عبدالعزيز ال حمد