قصيدة شعراء ملتقى سبيع. في مدح قبيلة سبيع الغلباء

حنا ذرأ الخايف وحنا المطانيخ=وحنا هل الردات يوم المناويخ
ياما طحنا حب شيخٍ ولد شيخ=فوق النضاء والا على كل مشوال
حريبنا من حربنا ماتهنا=وقصيرنا مايشكي الضيم منا
واللي يغره طيبنا ماشحنا=العز له معنا مقرٍ ومنزال

من طيبنا ما فيه شيخ(ن) يكفنا=لن كلنا شيوخ والعزوه سبيعيه

سلام للغلباء مـن السيـف للسيـف=أهل الوفاء والطيب وأهل المواقيف
ربعي هل العشر الركاب المراديف=واهل الثلاث اللي بها تضرب أمثال
بنـي عمـر وعميـر والاد عامـر=وألاّ الزكورأبناء سبيع بـن عامـر
تاريخهم من ماضي الوقت عامر=في سلم والا يومها حـرب وقتـال
غلبا سبيع مرجحين الموازين=كبار البخوت مطوعيـن السلاطيـن
صالوا وجالوا فـي جميـع المياديـن=يوم ان كـلٍ تظهـره طيـب الافعـال
حنا رجال الطيب واهل المـروات=في وقتنا الحاضر وفي ماضي ٍ فات
لنا زعامه فـوق كـل الزعامـات=أقوالنـا بفعـال والصـدق ينقـال
فتح الرياض اللي خذينـا وسامـة=من كف ابو فيصل سليـل الزعامـة
هاك السنه في وسط قصر اليمامـة=كرّم من الغلبا صناديد وأبـطــال
اهل المواقف لاحصـل علـم وعلـوم= تشهد لنا فارس وتشهد لنـا الـروم
ياما كسرنا في اللقاء شوكة القوم=فالمعركه نكسر شبأ كل من عال
سقم المعادي سعد عين الاصاحيـب=لاجيتهـم تلقـى كثيـر التراحيـب
ماحولهم شكـه ولاحولهـم ريـب=اشاوسٍ وافين في كـل الاحـوال
حنا على نجد المسى كما القـوس=لنه بضف سبيع محمي ومحـروس
ما بينهـا ترعـاه ذيدااننـا جـوس =جوازها (سلة) وخيـلٍ وخيـال
اطيـب مغاتيـر الجزيـرة لدينـا=واطيـب مجاهيـم الجزيـرة قنينـا
الوسـم يثبتهـا لـنـا ماشريـنـا=واكبر دليلٍ طيبها عبر الاجيـال
سبيـع يكفيهـا مـنـاخ السبـيـه=(رمـاح) وخـذت للجميميـل ديـه
مادورو قاضـي يحل القضيـه=فوق ميتينٍ جندلوا لاجل رجـال
بالاندلس حكـم الخليفـة وبالشـام=وسبيـع بالوديـان وبنجـد حكـام
تاريخنا ناصع على طول الايام=حكم الخليفة زال وسبيـع مـا زال
حنا ذرأ الخايف وحنا المطانيـخ=وحنا هل الردات يوم المناويـخ
ياما طحنا حب شيخٍ ولـد شيـخ=فوق النضاء والا على كل مشوال
حريبنـا مـن حربنـا ماتهنـا=وقصيرنا مايشكي الضيـم منـا
واللـي يغـره طيبنـا ماشحنـا=العز لـه معنـا مقـرٍ ومنـزال