سلام للغلباء من السيـف للسيـف=أهل الوفاء والطيب وأهل المواقيـف
ربعي هل العشر الركاب المراديـف=واهل الثلاث اللي بها تضرب أمثـال
بني عمر وآل عميـر والاد عامـر=وألاّ الزكورأبناء سبيع بـن عامـر
تاريخهم من ماضي الوقـت عامـر=في سلم والا يومهـا حـرب وقتـال
غلبا سبيـع مرجحيـن الموازيـن=كبار البخوت مطوعيـن السلاطيـن
صالوا وجالوا في جميـع المياديـن=يوم ان كلٍ تظهـره طيـب الافعـال
حنا رجال الطيب واهـل المـروات=في وقتنا الحاضر وفي ماضي ٍ فـات
لنا زعامـه فـوق كـل الزعامـات=أقوالنـا بافعـال والصـدق ينقـال
فهيـد ابـن بـراك مـذري خويـه=بيـاع غـال الـروح دونـه هديـه
في موقفـه واجـه سهـام المنيـه=ورثاه قائـد قوتـه فخـر واجـلال
ومنا الـذي قبـره يزبـن دخيلـه=لا ضيقـوا بالطامعـيـن القبيـلـه
يوم العـدا صـارت عليهـم دبيلـه=قبر الصييفي صار مزبـن للادخـال
ويوم العسر والجوع نهف السمانـا=بسلومنـا للضيـف لامـن لفـانـا
مثلوثـة الغلبـاء تميـز سخـانـا=مثلوثة ً نقري بها الضيف فى الحال
ومنا مصوت بالعشا فـي مضوفـه=الشيخ ابن قطنـان مكـرم ظيوفـه
وقت مضى يوم المراجـل طروفـه=يوم اكتساب المرجلـه والتمرجـال
لنا بكسب الجـود مبـدا ونومـاس=امجادنا اللي ذكرها يرفـع الـراس
والجذع مزبن من دخلبه من النـاس=من لاذبـه بحمايـة سبيـع نـزال
يدخـل حمايتهـم ويرضـا قضاهـم=ويرتاح باله لا دخـل فـي حماهـم
وان عارضوه اخصام نالوا جزاهـم=راكان ابن حثلين في مدحهـم قـال
بني عمر في حربهـم سـم ساعـه=كلام ابن حثليـن حسـب اقتناعـه
قصيدته فـي كـل مجلـس مذاعـه=من سالف الدنيا وحـزات الاهـوال
وضاقت على ابن حميد حتى ندبنـا=الشيخ عـدا فـي الرجـوم وطلبنـا
وهانت عليه المشكلـه مـن سببنـا=ساعة بجزل الشعر جا منه مرسـال
يقول في مـدح القبيلـه بتوصيـف=اصيح للغلبـا بـروس المشاريـف
اهـل مهـارٍ يلعبـن العجـاريـف=حسب البيوت اللي لها وصف واكمال
خيالـة العرفـاء نهـار الزحامـي=لاجاء لصعبـات المواقـف مقامـي
عـزوة سبيـع الغانميـن الكرامـي=اللي لهم فـي قمـة المجـد مدهـال
اهل المواقف لاحصل علـم وعلـوم=تشهد لنا فارس وتشهد لنـا الـروم
ياما كسرنا في اللقاء شوكـة القـوم=فالمعركه نكسر شبأ كل مـن عـال
سقم المعادي سعد عين الاصاحيـب=لاجيتهـم تلقـى كثيـر التراحيـب
ماحولهـم شكـه ولاحولهـم ريـب=اشاوسٍ وافين فـي كـل الاحـوال
حنا على نجد المسى كمـا القـوس=لنه بضف سبيع محمي ومحـروس
ما بينهـا ترعـاه ذيدااننـا جـوس=جوازهـا (سلـة) وخيـلٍ وخيـال
اطيـب مغاتيـر الجزيـرة لديـنـا=واطيـب مجاهيـم الجزيـرة قنينـا
الوسـم يثبتهـا لـنـا ماشريـنـا=واكبر دليلٍ طيبهـا عبـر الاجيـال
سبيـع يكفيهـا مـنـاخ السبـيـه=(رمـاح) وخـذت للجميميـل ديـه
مـادورو قاضـي يحـل القضـيـه=فوق ميتينٍ جندلـوا لاجـل رجـال
ثلاثـة الوديـان فيـهـا ربيـنـا=وجبنا فجوج الارض حتـى خذينـا
رمـاح واطرافـه بقبضـة يديـنـا=يوم العرب حاوي ونـازل ورحـال
حنا ذرأ الخايـف وحنـا المطانيـخ=وحنا هل الـردات يـوم المناويـخ
ياما طحنا حب شيـخٍ ولـد شيـخ=فوق النضاء والا على كل مشـوال
حريبنـا مـن حربـنـا ماتهـنـا=وقصيرنـا مايشكـي الضيـم منـا
واللـي يغـره طيبـنـا ماشحـنـا=العـز لـه معنـا مقـرٍ ومـنـزال
معرفـيـن الـجـار ومتيهـيـنـه=يمشي على كيفـه ولا احـدٍ يهينـه
فـي بـر والا ساكنيـن المديـنـه=قصيرنـا مايلحقـه خــوف وأذلال
حنا هـل الـردات يـوم الحرايـب=قصيرنا كنه مـن ادنـى القرايـب
مـن صوبنـا ماتقتفيـه المصايـب=في دارنا مايشتكـي قـل الاحـوال
هـذا مفـرج يذبـح ابنـه ضحيـه=لاجل المهـادي قـدم ابنـه هديـه
من شـان جـاره ماتجيـه الاذيـه=فعلن صحيح ولايجي حولـه اجـدال
حنـا ليـا منـا قـدرنـا عفـونـا=ما نعتذر بأنهم( سبق مـا عطونـا)
نفكهـم مـن طيبـنـا لا نصـونـا=يوم(ن) عفو الغير مشروط بالمـال
حنا عشقنا المرجلـه مـن صبانـا=حمايـة الموقـف وربـي حمـانـا
وانـا احمـد الله دام ربـي عطانـا=وقفاتنا تعـرف وحنـا لهـا ابطـال
في وقعت العرفـا هزمنـا الاعـادي=وصارت لنا عزوه وفخـر ومبـادي
في نصرنا المشهود نادى المنـادي=منا يصيب اهل الطمع قهر وانكـال
خيالنا فـي الحـرب ينطـح مدينـه=يوم الجموع اقفـوا بكـل الضعينـه
ساوم معـزي ليـن حطـه بعينـه=ورد الجموع المقفيه عقب الامهـال
عبدالعزيز اللي رفع رايـة الديـن=لنا معـه وقفـات وسـط المياديـن
ناقف معه دايم على العسر واللين =لاحتاجنا نرخص لبو تركي الحال
وفتح الرياض اللي خذينـا وسامـة=من كف ابو فيصل سليـل الزعامـة
هاك السنه في وسط قصر اليمامـة=كرّم مـن الغلبـا صناديـد وأبطـال
وقفاتنـا مهـوب يحصـى عددهـا=ولاحداً من ابطال الجزيـره جحدهـا
وعلى عزاز الصلب يثبـت وتدهـا=والمملكـه حنـا لهـا درع وظـلال
حنـا سنـد حكـام شبـه الجزيـره=يوم السنيـن القاسيـه والخطيـره
لنـا مـع التاريـخ قصـه وسيـره=امجادنـا مهيـب تحجـب بغربـال
من دون نقصاً في جميـع القبائـل=وصولاتهم فوق المهـار الاصائـل
كل(ن) له بشبـه الجزيـره نفائـل=نوادر الافعـال تذكـر بـا الاقـوال