أكذب وصدق كذبتك يامسيكين = نايف بتبطي ماوصلت لمكانه
أنا عزيز ومن رجالٍ عزيزين = شامخ ولا عمري نزلت الطمانه

ديـــــــوانـــــــي

الله يعـيـن السعـوديـه ويرعـاهـا=ماتحكـم الا بعـدل السيـف والمـلـه
علـى كثـر ماتقـدم تكثـر أعـداهـا=مثل النخل يحذفه مـن يجلـس بضلـه
الدولـه اللـي علـى التوحيـد مبداهـا=ماهيب تخضع لحكم الحـزب والشلـه
تعطي جميـع الـدول وتمـد يمناهـا=بالخير من قو ماهي تمد من ذِله

لي ثلاث أيام والهم طاويني=عقب جيت العاصمة يابري حالي
غاب عن عيني وليفٍ مصافيني=وأزعجتنـي دمعهـا دوم همالي
ضايقٍ صدري وسهري لزم عيني=أشهد أن بعد المواليف قتالي