|
|
|
|
07-04-2007, 07:26 PM
|
#1 (permalink) | |
|
عضو جديد
 |
غزوة من اجل الابل
بسم الله الرحمن الرحيم غزت قبيلة ولد سليمان من عنزة بقيادة الشيخ الفارس عقاب بن سعدون العواجي واخيه الشيخ الفارس حجاب بن سعدون العواجي على قبيلة ولد سليم من حرب يريدون الابل وكان النصر حليف الحروب وقد نشرت بكتاب ابطال من الصحراء على العكس وهذه قصيدة الشيخ عقاب بن سعدون العواجي وذلك عندما اجاب المراة التي تساله عن حليلها المقتول في المعركه حيث قالت المراة ياعقاب ياحبس الظعن بااللقا الشين يااللي حريبك بالهزيمه يمنا عينت ذيب الخيل يوم الاكاوين نور العيون بغيبة الشمس عنا هو سالم والا رموه المعادين ياعقاب خبرني تراي اتمنا فاجابها الشيخ عقاب بن سعدون العواجي ابن شيخ قبيلة ولد سليمان من عنزه بقوله يابنت يااللي عن حليلك تسالين حنا لنا حي يسالون عنا خمسة عشر ليلة على الوجه مقفين ندور وضح بالاباهر تحنا وشفنا هل البل شاربين الغلاوين من دون رخم للحوير تحنا جونا ثلاثميه وحنا ثمانين مثل المحوص الشلف منهم ومنا وبانت رديتهم وشفنا الرديين وكل عرفنا عزوته يوم كنا ليتك تراعي ياعذاب المزايين يوم ان عيدان القنا يطعننا منا حليلك طاح بين المثارين في ديرة فيهاالوضيحي تثنا ومنهم جدعنا عند شوقك ثلاثين وكم خير من راس رمحي يونا في ساعة فيها تشيب الغلامين انطح نحور الخيل يوم اقبلنا ياما نقلت الدين والحقته الدين وحريبنا في نومته ما تهنا ارسي لهم يابنت وانت تعرفين لياما حمام النصر رفرف وغنا واردها والحق ربوع مخلين بوجيه قوم يطلقون الاعنا عاداتنا نخلي سروج المسمين ونروي حدود مصقلات تحنا وقلايعي من نقوة الخيل عشرين قب ولا فيهن ثبار ودنا وهذه قصيده الشيخ ناقي السليمي الحربي رحمه الله احد شيوخ ولد سليم من ولد محمد من بني سالم من حرب في المعركة وياليت الامير محمد بن احمد السديري رحمه الله نشرها في كتابه ابطال من الصحراء ياحجاب ماحنا فريق إبن فرهود اللي تفاجيهم بصفر ٍطلائع أذوادنا من دونها حربه العود وقب ٍنطبعهن على أحسن طبايع عليهن اللي لبسهم صنع دايود وشلف ٍ لها بين القبايل شوايع مليحهن ذقتوه والفعل مشهود بخشوم بشرى والخضر والبدايع والرابعه صبّحت رمحات بجرود حمرالشعاف متوبعات المشايع وثار الصياح ولحقت الخيل عرجود بمجرّب ٍ ضيّق عليك الوسايع ياحجاب فضلت السلامه على الفود وطلعت منها ياحمرالعين طايع برقاب ربعك يصرخ السيف مجرود من حظ ذيب ٍله زمانين جايع وطيور وسمه تصدر اليوم وتعود رازقهن اللي خصّكم بالقطايع عادات ربعي باللقاء تاخذ الزود يوم النشاما بين سايم وبايع اللي من أول خيلكم رد مردود واللي من التالي يرد القلايع وأنا على اللي ماعطت يوم بصدود اللي من العاده تطش الوقايع وان جاء نهار ٍفيه طارد ومطرود ياما على الصفراء كسبت الصنايع منقول وانتم سالمين وغانمين والسلام |
|
|
||
|
|
|
07-04-2007, 09:46 PM
|
#2 (permalink) | |||||
|
عضو
|
تقبل تقديري |
|||||
|
||||||
|
|
|
|||||
|
07-04-2007, 11:42 PM
|
#3 (permalink) | |||||
|
الشاعر المعروف
|
على هذا انقل المميز تقبل خالص الود |
|||||
|
||||||
|
|
|
|||||
 |
| يشاهد الموضوع حالياً: 1 (0 عضو و 1 ضيف) | |
| أدوات الموضوع | |
| أنماط عرض الموضوع | |
|
|
 |
 |
العرض العادي
