الا ياولدي من حجر بيضاء جنيتـه=عامريـةٍ مـن حافظـات الودايـعِ
ولا ياولدي ولد الهدى مرذي النضا=مفجـر مرحـان العـداء للقرايـعِ
ولا ياولدي كم شوق البيض بالغناء=مع ظلال الصبـح والنـور شايـعِ
كم عرض الاولاد مسـرى وحشـه=هجدهم واصبح مشعل القوم ضايعِ
كم ولدٍ يغـذى ولا ثمـن الغـذاء=مثل باذر الصبخـا قليـل النفايـعِ
غذيت مـن الاولاد حـرٍ مجـرب=ياعنك ماراح الغذاء فيـه ضايـعِ

الله يعـيـن السعـوديـه ويرعـاهـا=ماتحكـم الا بعـدل السيـف والمـلـه
علـى كثـر ماتقـدم تكثـر أعـداهـا=مثل النخل يحذفه مـن يجلـس بضلـه
الدولـه اللـي علـى التوحيـد مبداهـا=ماهيب تخضع لحكم الحـزب والشلـه
تعطي جميـع الـدول وتمـد يمناهـا=بالخير من قو ماهي تمد من ذِله