مسميات الابل فى الشعر الشعبي

بوش تلاد والجنب مردفٍ له=دونه مروية الغلب بالمضاييق

البوش كله يم خشم اللهابه=أنا كما عدٍ قليل شرابه
في فيضة السرداح والبل عوازيب=ما تدهله بالقيظ حرش العراقيب

وشوف روض فيه حرش العراقيب=خطل الأيادي زاهيات الجنايب

يالج صدري مثل لجة حيام الطرش=على عيلم فالقيظ برادها فرزه

شعلان وأن حثو بهن كل ثابور=ذباحة للضيف من شمخ الخور
ستر البني ومقرعات التوادي=وصيايين يركض بها مثل نادي

يا شبه شقحا ثنيه بأول الخور=حايل ولا مصها المفرود يلهجها

حنا ذيابة مقرعات التوادي=لامن ركبنا فوق عوج المصاليب

تشهد لهم حم الشعاف اللي حدو عنها الخصام=يا ما كسبناها وصرنا دونها حصناً حصين

حنا ركبنا فوق طوال النانيس=وأوحي الحوير يرضع أمه بعد حن

مداهيل حلوات اللبن خلقة الرحمن=مجاهيم سود خالق الكون مسويها

أدو نياقي ما وراها مناجي=ادو على العِرب حلوات الألبان

أنا أوصيك في حرش الوبر شمخ الذرا=كما جوخة شرايها يكتسيبها

ترعى بها الوضحا من الذود معطار=غبوقة الخطار عجلٍ عطيفه

ويا صار لك من عوص الأنضاء زماله=القايله ذلي قرينه أيدادي

توجدت وجد رحيلي تاه بين جبال=وضيَّع قليب شمخ النيب يردونه

ويا زين لو روحت مع خايع الطيبي=سحج العشاير تراطمبه ضرايبها

في ضف ربع لا من لاح براقي=يرعون سجح العشاير في مشاهيها

حدرت منه هجمة علط الأرقاب=شقحن عليهن مثل وصف الرجومي

طالعت نشر على شوف الأبعاد=قلت ابشروا يا ربع ماني بكاني

وجدي عليهن وجد راعي شوايل=خلي خلاف الجيش والدم وشال

معهم اخليوي على العرماس=صفرا صبور من الشيب

تسعين ليلة والقراين معلقه=حم الذرا معقلات عقودها

غلباء وجناء علكوم مذكرة=في دفها سعة قدامها ميل

يا واهب العنس الهموس برحلها=والأعوجي بسرجه ولجامه

البل ساس المال يا جاهل بها=لكن هي ما كل شيء يجيبها
البل تبغى قرم قوي عزايمه=دايم على طرافها يشتقيبها

لا ودي اطبق :)
خوفتيني , ماطرا علي اروح بالحر ,,
عساني اتذكر السنه الجاية :cool:
بعدين وش دراك ان ابلنا بالنفود !
ابلنا وانا اختك في سويسرا , على - جاال - بحيرة جينيف :eek: تسدح هناك !

ابو حمد
بحث رااااااائع وجميل ومفيد وموضوع يستحق التميز والوقوف له
ابوحمد يعطيك العافيه على هذا الموضوع المختصر والجميل
دمت بود